Налайх дүүргийн Барилгын материалын үйлдвэрлэл, технологийн паркийн хэсэгчилсэн ерөнхий төлөвлөгөө 2016 онд Нийслэлийн иргэдийн Төлөөлөгчдийн хурлаар батлагдаж 120 га нутаг дэвсгэрт бүтээн байгуулалт хийгдсэнээр 1500 ажлын байр шинээр бий болгохоор төлөвлөсөн бөгөөд Улаанбаатар хотод үйл ажиллагаа явуулж байгаа барилгын материалын үйлдвэрүүдийг хотын төвөөс гаргаж нэгдсэн төлөвлөлт, зохион байгуулалтаар үйлдвэрлэлийн парк байгуулах боломж бүрдэж байгаа юм. Парк бүрэн ашиглалтад орсноор Улсын хэмжээний барилгын материалын үйлдвэрлэл 1.78 дахин, Налайх дүүргийн үйлдвэрлэлийн хэмжээ 32 дахин нэмэгдэх тооцоолол хийгдсэн. Одоогийн байдлаар ашиглалтад бүрэн орсон хоёр үйлдвэр үйл ажиллагаагаа явуулж 140 хүнийг ажлын байраар хангаад байна. Дараах үндсэн бүсчлэлийн хүрээнд бүтээн байгуулалтын үйл ажиллагааг явуулна.
- Засаг захиргаа олон нийтийн бүс
- Ган хийц эдлэлийн үйлдвэрийн бүс
- Төмөр бетон хийц эдлэлийн үйлдвэрийн бүс
- Ханын материалын үйлдвэрүүдийн бүс
- Бусад жижиг, дунд үйлдвэрлэлийн бүс
- Үйлдвэрийн дундын үйлчилгээний барилга байгууламжийн бүс
- Инженерийн байгууламжийн бүс
- Тээвэр логистикийн паркийн бүс
Паркийн үйл ажиллагааг “Налайхын барилгын материал үйлдвэрлэл, технологийн Парк” ОНӨААТҮГ хариуцан ажиллаж байгаа бөгөөд дараах чиглэлийн барилгын материалын үйлдвэрүүдийн төслийг хүлээн авч судлан, хамтран ажиллаж байна.
- Бүх төрлийн шил
- Ган болон нийлэг мяндсан туйван
- Давтмал ган бөмбөлөг, цильпебс
- Керамзит, керамзит бетон эдлэл
- Хиймэл болон байгалийн чулуун хавтан
- Угсармал бетон хийц эдлэл
- Ландшафт, архитектурын бетон эдлэл
- Бетон зуурмаг
- Сэндвич хавтанг, төмөр хийц эдлэл
- Магнийн хавтан
- Хими, будгийн материал
- Керамик эдлэл
- Өнгөлгөөний тоосго
- Хог хаягдал боловсруулалт
- Инженерийн байгууламжийн төмөр бетон эдлэл
- Дулаан тусгаарлах хийц, эдлэл
