Засгийн газрын тохируулагч агентлаг Үндэсний хөгжлийн газрын “Бүсчилсэн хөгжлийн бодлого” боловсруулах ажлын хүрээнд хийгдсэн орон зайн цахим төлөвлөлтийн системийн үйл ажиллагаатай танилцаж цаашид хот төлөвлөлтийн чиглэлд хамтран ажиллах санал солилцлоо. Хот байгуулалтын ухаалаг системийг хөгжүүлснээр Улаанбаатар хотын хөгжлийн ерөнхий төлөвлөгөө, хэсэгчилсэн ерөнхий төлөвлөгөө, Техник эдийн засгийн үндэслэл, төсөл хөтөлбөрийн хэрэгжилт, хэрхэн хангагдаж байгаа болон цаашид хийгдэх ажлын цар хүрээг үе шатыг тодорхой болгон олон нийтэд нээлттэй болгох бөгөөд шинээр гарах барилга байгууламж, зам замын байгууламж, тохижилтын ажил, инженерийн дэд бүтэц, шугам сүлжээний бүх төрлийн зөвшөөрлийг хүний оролцоогүйгээр цахимаар шийдвэрлэх боломж бүрдэх юм.
