Хотын ирээдүйн эзэд болсон хүүхэд багачуудын мөрөөдлийн хотын төсөөлөл, тэдний үзэл бодлоо чөлөөтэй, бүтээлч байдлаар илэрхийлэхэд урам өгөх зорилгоор “МӨРӨӨДЛИЙН ХОТ” хүүхдийн гар зургийн уралдааныг 6-7, 8-9, 10-12 насны ангиллаар 2021 оны 05 дугаар сарын 5-ны өдрөөс 05 дугаар сарын 18-ний өдөр хүртэл зохион байгуулсан. Уралдаанд Улаанбаатар хот, Эрдэнэт хот, Булган, Хэнтий, Увс аймгуудаас авьяаслаг хүүхэд багачууд оролцож ирүүлсэн бүтээлүүдийг 2021 оны 05 дугаар сарын 19-ны өдрөөс 05 дугаар сарын 23-ний өдрийн хооронд spatial planning podcast-ын Facebook page хуудсанд байршуулан олон нийтээс санал авсан.
Олон нийтийн санал болон уралдаан зохион байгуулж байгаа комиссын бүрэлдэхүүний үнэлгээгээр уралдааны нийлбэр дүнг гаргасан бөгөөд өнөөдөр амжилттай оролцож тэргүүн байр, дэд байр, гутгаар байр эзэлсэн авьяаслаг хүүхэд, багачуудад шагнал гардуулж урамшууллаа.
