“Туул гол дагуу амралт, зугаалгын цогцолбор” байгуулах уралдааны тэргүүн байранд шалгарсан “Riverside Paradise” багийн бүтээлийг танилцуулж байна.
Тэргүүн байранд шалгарсан багийн гол үзэл санаа нь Туул голын эко системийг хамгаалах, байгалийн нөхөн сэргээлт хийж, байгалийн тогтцыг хадгалан, бүх насны болон зорилтот бүлгийн иргэдэд зориулсан олон нийтийн амралт, зугаалгын ая тухтай орчныг бүрдүүлж гадаргын усыг хуримтлуулан нуур, цөөрөм үүсгэн, гүний усны тэжээгдлийг нэмэгдүүлэхийг зорьжээ.
4 байршилд 196 авто машины зогсоол, 22 хөгжлийн бэрхшээлтэй иргэдийн зогсоол, 120 унадаг дугуйн зогсоолтой байхаар тооцож усан оргилуурыг IP 66-69 үзүүлэлт бүхий, газар шигтгэдэг, усны хамгаалалттай, RGB гэрэлтүүлэгтэй хослуулан гэрлийн тоглолттой буюу смарт контрол системтэй байхаар төлөвлөсөн байна.
Мөн хөгжлийн бэрхшээлтэй иргэнд зориулсан орц гарцтай, ХБИ төлөвлөлтийн аль ч хэсэгт очих боломжтойгоор замыг төлөвлөн явган замыг 3 м өргөнтэй чөлөөтэй байдлаар төлөвлөжээ. Шилдгээр шалгарсан бүтээлийн концепц, үзэл санааны дагуу тохижилтын ажлын зураг, төсвийг хийх юм.
